Agjencia e Statistikave të Kosovës (ASK) ka publikuar statistikat afatshkurta të tregtisë me pakicë për tremujorin e tretë 2018, sipas të cilave në krahasim me TM2 2018, ka pasur rritje te tregtia me pakicë e mallrave të tjerë në dyqane të specializuara për 14.1%.
Rritje sipas këtij raporti, kanë shënuar edhe tregtia me pakicë e mallrave kulturore dhe të argëtimit në dyqane të specializuara me 9%, tregtia me pakicë jo në dyqane, tezga ose tregje me 7.1%.
Po ashtu, tregtia me pakicë e prodhimeve ushqimore, pijeve dhe duhanit, në dyqane të specializuara shënoi rritje me 2.1% dhe tregtia me pakicë në dyqane jo të specializuara me 0.7%.
Rënie, ndërkaq, ka pasur te tregtia me pakicë e pajisjeve informatike dhe të komunikimit në dyqane të specializuara me 14.7%, tregtia me pakicë e pajisjeve të tjera shtëpiake në dyqane të specializuara me 2.7% dhe tregtia me pakicë e karburantit për automjete në dyqane të specializuara me 1.5%. /Telegrafi/