Agjencia e Statistikave të Kosovës (ASK) në një konferencë për media sot do të prezantojë publikimin e “Bruto Produktit Vendor” (BPV) për vitin 2014, me qasjen e shpenzimeve dhe të prodhimit, me çmime aktuale dhe konstante.
Fjalën hyrëse do ta mbajë kryeshefi ekzekutiv i ASK-së Isa Krasniqi, ndërsa do të jenë të pranishëm edhe mysafirët ndërkombëtarë, drejtori i përgjithshëm i Statistikave të Suedisë, Stefan Lundgren dhe përfaqësuesi i Eurostatit, Marius Andersen.
Sipas njoftimi të ASK-së, kjo është vizita e parë që një drejtor i përgjithshëm i një vendi të BE-së i bën ASK-së.
Lundgren do të flasë për bashkëpunimin e SCB-së dhe projektet e përbashkëta të Statistikave të Suedisë dhe Agjencisë së Statistikave të Kosovës, ndërsa Andersen do të flasë lidhur me përkrahjen e Eurostat-it për GDP-në në Kosovë dhe vendet e Rajonit.
Konferenca mbahet në ambientet e ASK-së, duke filluar prej orës 10.00. /Telegrafi/