Të dhënat zyrtare nga tregtia e jashtme e mallrave në Kosovë tregojnë një rritje të deficitit tregtar me 29.6% në janar 2025, krahasuar me të njëjtën periudhë të vitit 2024.
Sipas Agjencisë së Statistikave të Kosovës (ASK), deficiti arriti në 414.1 milionë euro, nga 319.6 milionë euro që ishte në janar 2024.
Në këtë periudhë, eksportet mbuluan vetëm 12.6% të importeve.
Eksportet dhe importet
Sipas ASK-së, eksportet në janar 2025 arritën vlerën 59.7 milionë euro, duke shënuar një rënie prej 1.1% krahasuar me vitin e kaluar.
Nga ana tjetër, importet u rritën me 24.7%, duke arritur në 473.8 milionë euro.
Struktura e eksporteve
Grupet kryesore të eksporteve përbëheshin nga:
Metalet bazë dhe artikujt prej tyre – 24.2%
Plastika, goma dhe artikujt e tyre – 14.1%
Artikuj të ndryshëm të prodhuar – 14%
Ushqime të përgatitura, pije dhe duhan – 11.5%
Tekstil dhe artikuj tekstili – 6.6%
Struktura e importeve
Ndërsa, grupet kryesore të importeve ishin:
Produktet minerale – 20.4%
Mjetet e transportit – 14.1%
Ushqime të përgatitura, pije dhe duhan – 10.2%
Makineri, pajisje mekanike dhe elektrike – 9.6%
Metalet bazë dhe artikujt prej tyre – 8.5%
Tregtia me BE-në
Eksportet e Kosovës në vendet e Bashkimit Evropian (BE) arritën në 22.5 milionë euro, që përbëjnë 37.7% të eksporteve të përgjithshme, me një rritje prej 22.3%. Partnerët kryesorë për eksport në BE ishin:
Gjermania – 12.8%
Italia – 4%
Holanda – 3.9%
Nga ana tjetër, importet nga BE-ja arritën në 204.5 milionë euro, ose 43.2% të importeve totale, me një rritje prej 24.4%. Vendet me pjesëmarrjen më të lartë në import ishin:
Gjermania – 14.1%
Italia – 6.1%
Greqia – 4.5%
Tregtia me CEFTA-n
Eksportet drejt vendeve të CEFTA-s arritën në 24.1 milionë euro, ose 40% të eksporteve të përgjithshme, duke shënuar një rritje prej 10.8%. Partnerët kryesorë ishin:
Maqedonia e Veriut – 15.5%
Shqipëria – 14.5%
Serbia – 4.5%
Mali i Zi – 4.4%
Ndërkohë, importet nga CEFTA arritën në 83.6 milionë euro, ose 17.6% të importeve totale, me një rritje prej 45.1%. Vendet me pjesëmarrjen më të lartë ishin:
Maqedonia e Veriut – 7.7%
Shqipëria – 6.2%
Serbia – 3%
Tregtia me vendet e tjera të botës
Eksportet drejt vendeve të tjera arritën në 13.1 milionë euro, ose 21.9% të totalit. Partnerët kryesorë ishin:
Zvicra – 11.8%
SHBA – 2.8%
Ndërsa, importet nga vendet e tjera të botës u rritën në 185.7 milionë euro, ose 39.2% të importeve të përgjithshme. Vendet me pjesëmarrjen më të lartë në import ishin:
Turqia – 12.9%
Kina – 12.1%