Leeds Unitedi është kundërshtari i parë i Manchester Unitedit për sezonin 2021/2022 në Ligën Premier.
Në takimin e zhvilluar në Old Trafford, Djajtë e Kuq hynë me synim të qartë – ta nisnin me fitore.
Dhe që nga minuta e parë, me mbështetjen e madhe të tifozëve, përpjekjet për të shënuar ishin të vazhdueshme.
Rezultati u zhbllokua në minutën e 31-të të lojës kur Bruno Fernandes u bë golashënuesi i parë i Unitedit për sezonin e ri.
Megjithatë, Paul Pogba ishte arkitekt i këtij goli. Mesfushori francez dhuroi një asistim të mrekullueshëm drejt bashkëlojtarit duke e nxjerrë përballë portierit dhe portugezi me vole e kaloi skuadrën e tij në epërsi. /Telegrafi/
https://twitter.com/Dre6ii/status/1426515746729959426
https://twitter.com/utdrobbo/status/1426516139455270916