Vetëm pas një jave pasi që u konfirmua se edhe zyrtarisht kanë filluar procedurat e ndarjes, aktorja thuhet se është në lidhje me legjendën e basketbollit turk.
Tuba Buyukustun dhe Ibrahim Kutluay kanë nisur një lidhje të re, megjithëse te dytë janë në proces të shkurorëzimit.
Gjersa aktorja po ndahet prej Onur Saylakit pas pesë vjet martese, Kutluay i ka dhënë fund kurorëzimit 11-vjeçar me ish-modelen Demet Sener, transmeton Telegrafi.
Kutluay ka refuzuar ti përgjigjet gazetareve për thashethemet që e shikojnë atë në një lidhje me aktoren, e cila gjë ka përforcuar dyshimet e mediave rozë në Turqi.
Nga ana tjetër, aktroja e njohur në Kosovë si “Asi” dhe ish bashkëshorti i saj, Onur Saylak, kanë shpërndarë një deklaratë të përbashkët, në të cilën i kërkojnë mediave të respektojnë jetën e tyre private në të kundërt do të paditen për gënjeshtra dhe shpifje.
Kujtojmë se Tuba prej martesës me Onurin ka dy vajza, Maya dhe Toprak ndërsa Kutluay është baba i vajzës, Irem dhe djalit Omer. /Telegrafi/