Marco Asensio është njëri nga sulmuesit më të kërkuar në Evropë.
Anësori spanjoll është futur në vitin e fundit të kontratës me Real Madridin dhe në verën e vitit 2023 mbetet i lirë.
Por duket se futbollisti po mendon të vazhdojë marrëveshjen me Los Blancos përkundër interesimit nga shumë skuadra.
Liverpool, Chelsea, Barcelona, Man Utd, Arsenal, Milan, Juventus e PSG janë vetëm disa nga top klubet evropiane që e duan spanjollin.
Por e përditshmja spanjolle As ka raportuar se palët kanë bërë hapa para për një kontratë të re.
Asensio ndihet mirë në Madrid dhe dëshiron të vazhdojë kontratën pasi fokusi i tij është vetëm në fushë për të gjetur formën më të mirë para botërorit.
Gjithnjë sipas As, gjatë verës plot 12 skuadra ishin në garë për Asension, por në fund sulmuesi anësorë vendosi të qëndronte në Madrid.
26-vjeçari synon kontratën e re me Los Blancos, por fillimisht kërkon garanci për të luajtur më shumë. /Telegrafi/