Edicioni i 21-të i festivalit DokuFest do të zhvillohet sivjet në periudhën 5-13 gusht, si gjithmonë në Kalanë e Prizrenit.
Me një program special dhe mysafirë nga vende të ndryshme, edhe edicioni i sivjetmë pritet t’i rikthejë gjallërinë qytetit të Prizrenit në ditët e nxehta të verës.
Teksa po bëhen përgatitjet për festivalin e vitit 2022, duket se emra të njohur nga mbarë bota po përshëndesin këtë organizim vendor.
Mes të tjerash, edhe këngëtari australian me famë botërore, Nick Cave, përmes rrjetit social Twitter dërgoi një përshëndetje të ngrohtë për festivalin e filmit.
“Për dashurinë në DokuFest, Prizren, Republika e Kosovës”, ka shkruar Crave në një banderolë, bashkëngjitur edhe me nënshkrimin e tij.
We're totally thrilled that @nickcave himself has sent #DokuFest his love ❤️ All the love back.
Thank you Valentina and Giovanni for making this happen! pic.twitter.com/2CZfDZnprE
— DokuFest (@DokuFest) July 6, 2022
Faqja zyrtare e DokuFest-it në Twitter e publikoi fotografinë duke shkruar: “Jemi shumë të emocionuar që vetë Nick Cave i ka dërguar DokuFest-it dashurinë e tij. Gjithë dashurinë. Faleminderit Valentina dhe Giovanni për realizimin e kësaj”.
DokuFest siç e ka në traditë edhe sivjet do të shpërblejë me çmime nga një juri profesionale, prodhimet më të mira kinematografike vendore dhe ndërkombëtare. /Telegrafi/