Mikel Arteta përdori një postim të vjetër nga lojtari Ivan Toney për të motivuar Arsenalin përpara ndeshjes së tyre në shtëpi kundër Brentford sezonin e kaluar.
Episodi i fundit i “All or nothing”: Arsenali tregon Artetën duke vendosur postimin e mediave sociale në tabelën e taktikave në zhveshtore për të frymëzuar lojtarët e tij.
Ai erdhi pasi Brentford mundi Arsenalin 2-0 në ndeshjen hapëse të sezonit të kaluar 2021/22 në Ligën Premier.
Toney, i cili nuk shënoi në lojë, u shfaq duke u tallur me Topçinjtë në rrjetet sociale, pasi shënoi në Twitter: “Gjuajtje e bukur me djemtë”.
Nice kick about with the boys. ⚽️ @BrentfordFC
— Ivan Toney (@ivantoney24) August 13, 2021
Epo, postimi i sulmuesit në rrjetet sociale nuk i pëlqeu Artetës, i cili e mbajti atë deri në ndeshjen kthyese.
Spanjolli përdori atë postim për të ndezur skuadrën e tij dhe pati efektin e dëshiruar, me skuadrën e Artetës që mposhti 2-1 Brentfordin.
“Para se të shkoj, sepse është ende në stomak dhe kam arritur ta mbaj për katër muaj, pesë muaj, gjashtë muaj”, fillon Arteta fjalimin e tij në dokumentar.
“Ky është Toney pas ndeshjes kur ne luajtëm në Brentford. E dini çfarë bëri ai? E dini postimin e tij në Twitter? Një goditje e bukur me djemtë këtë pasdite”.
“Kështu që sot ata luajnë në shtëpinë tonë, djelmosha ka vetëm një skuadër në atë fushë – dhe jemi ne! Vetëm një ekip, është sikur ata të mos luajnë futboll”.
“Ne e marrim atë top, marrim lojën, shkojmë për të dhe le ta fitojmë këtë lojë!”, përfundoi spanjolli.
Nice kick about with the boys. ⚽️@Arsenal 😘
— Alexandre Lacazette (@LacazetteAlex) February 19, 2022
Alexandre Lacazette madje u tall me Toney, duke postuar në Twitter të njëjtin mesazh të homologut të tij pas fitores së Arsenalit në Emirates.
Episodet 4-6 të “All or nothing” do të jenë të disponueshme për transmetim të enjten. /Telegrafi/