Mikel Arteta e ka vlerësuar lartë paraqitjen e Arsenalit në fitoren 3-1 ndaj Liverpoolit në javën e 23-të në Ligën Premier.
Trajneri spanjoll ka thënë se ishte një ndeshje fantastike nga ana e ekipit të tij, ndërsa shtoi se goli i The Reds nuk ndikoi shumë tek ta.
“Ishte një lojë e jashtëzakonshme. Një paraqitje e jashtëzakonshme nga lojtarët dhe njerëzit tanë. Kjo është atmosfera më e mirë që kam parë gjatë gjithë sezonit”, ka deklaruar Arteta.
“Ne duhej të shkonim në një nivel tjetër dhe mendoj se lojtarët u përgjigjën. Nuk mund të jem më krenar”.
“Pranimi i golit na ndikoi shumë. Por, nuk mund të të vijë keq për veten kundër këtij ekipi. Ne morëm kontrollin e lojës pas 10 ose 15 minutash vuajtjeje”.
“A ishim në më të mirën tonë? Absolutisht. Këtë e kemi treguar sot. Për të qenë më të mirët dhe për të pasur mentalitetin më të mirë, duhet ta bëni çdo tre ditë”.
“E treguam sot kundër ekipit më në formë në Evropë dhe tani duhet ta bëjmë nesër kur të stërvitemi dhe kundër West Ham”, shtoi më tej strategu i Arsenalit. /Telegrafi/