Art Gashi pasi ka deklaruar dorëheqjen e tij në mënyrë publike prej postit të presidentit të KB Pejës, ka vendosur që të mos e lë keq klubin dhe do të mbetet kryetar deri në afat të pacaktuar.
Gashi sqaron në një deklaratë për Radio Dukagjinin arsyen e dorëheqjes së tij, por pranon se nuk do ta lë keq klubin dhe do të mbetet president i klubit.
Ai thotë se disa përgjegjësi do t’i marrin disa prej antarëve të tjerë të klubit, teksa ai do të mbetet kryetar i klubit deri në një afat të pacaktuar, për të mos e lënë keq në situatën aktuale të vështirë.
“Kanë ndikuar edhe rezultatet jo pozitive kohëve të fundit, që familja ime të sulmohet dhe të fyhet, dhe këtë nuk mund ta lejoj”.
“Unë do të jem kryetar derisa të zgjidhet kryetari i ri, nuk do ta lë keq klubin. Të gjitha deri tani i kam kryer vullnetarisht dhe pa asnjë interes, me Pejën jam i lidhur shumë emocionalisht”, ka thënë Gashi.
Ai tha se disfatat në ndeshjet ndaj Prishtinës këtë sezon ishin të dyshimta dhe se “publiku e di” se si ekipi ka humbur, e po ashtu se KB Peja ka pasur sezon të mrekullueshëm. /Telegrafi/