Telegrafi

Arsyet e rrëzimit të aeroplanit? (Video)

Kiril Kaevski, ish-pilot profesionist thotë se i njeh performansat e aeroplanit “Piper” që u rrëzua pardje në afërsi të fshatit Kozhle të Petrovecit. Ai në emisionin “10 minuta” thotë se derisa vazhdojnë hetimet, mund të ketë spekulime të ndryshme për këtë fatkeqësi.

“Nuk duhet të përjashtojmë asgjë për shkaqet e fatkeqësisë. Është e mundur gabimi i pilotit, mund të jetë gabimi teknik, moti i keq dhe shkaqe tjera”, thotë Kaevski.

Sipas tij, në raste të fatkeqësive të këtyre avionëve të vegjël, ka vështirësi në lokalizimin e tyre.

“Sigurisht, për arsye se ishte errësirë dhe kushtet atmosferike ishin të vështira, me të reshura të shumta. Për dallim nga aeroplanët e mëdhenj komercial për udhëtarë, të cilët shfrytëzohen në transportin ajror publik, ky lloj i aeroplanit nuk ka pajisje për lokalizim të tij nga radarët, pas shkatërrimit të aparaturës në raste fatkeqësie, duhet kërkime në terren, pra vizuale”, shprehet ai.

Sipas tij, arsyeja e kërkesës së këtij aeroplani për të ateruar në Shkup ka qenë furnizimi me karburant, që është derivat shumë oktanësh, që përdoret nga avion të vegjël dhe që gjendet në pak pak aeroporte të Evropës. Ai thotë kërkesa për të ateruar dhe për tu furnizuar në Shkup ka qenë se ndoshta në Aeroportin e Prishtinës nuk ka derivate të tilla. Kaevski thotë se avionët e vegjël në shumë raste pësojnë në fatkeqësi të tilla nga moti i keq, por edhe për shkak se kontrolli dhe stërvitja e këtyre pilotëve nuk është shumë rigoroze, sikur e pilotëve të avionëve komercial. /Telegrafi/

Lexo po ashtu E pabesueshme: Për 30 vite në Maqedoninë e vogël kanë ndodhur tetë aksidente ajrore ku kanë vdekur qindra njerëz (Video)
Lexo po ashtu Të gjitha lajmet nga Rrëzimi i aeroplanit në Shkup
Lexo po ashtu Janë gjetur gjashtë kufomat nga rrëzimi i aeroplanit në Shkup
Lexo po ashtu Vëllai i biznesmenit të Kosovës i shpëtoi tragjedisë ajrore në Shkup (Foto)