Zëdhënësi i OBRM-PDUKM-së, Dimçe Arsovski në konferencë për shtyp tha se “Oliver Spasovski bëri thirrje që zgjedhjet të mbahet më 5 korrik, në ditët kur arrihet kulmi i sëmundjes me mbi 80 të infektuar”.
Ai tha se numri i sotëm i rasteve me coronavirus e që nuk është ende zyrtare është mbi 80 të infektuar dhe se po prekim kulmin e dytë dhe kjo është e frikshme dhe shqetësuese, njofton Telegrafi Maqedoni.
“Spasovski dhe Zaev janë drejtpërdrejtë përgjegjës për çdo të infektuar dhe çdo të vdekur për shkak të Covid-19. Ata në vend që ta mbrojnë popullatën, mend i kanë te kolltuku”, tha Arsovski.
Ai tha se në shtet numër një duhet të jetë shëndeti i qytetarëve dhe jo interesi personal i disa politikanëve që sipas Arsovskit ju përfundon karriera./Telegrafi/
