Një arsimtare është suspenduar nga puna, pasi është filmuar duke ia hequr nga koka shaminë një nxënëse, duke e poshtëruar në prezencë të nxënësve tjerë në klasë.
Pamjet rrëqethëse janë publikuar në Snapchat në një shkollë në Nashville të Shteteve të Bashkuara, transmeton Telegrafi.
Por, ajo çfarë ka habitur me shumë tjerët është fakti se nxënësit tjerë shihen duke luajtur me flokët e vajzës, derisa dëgjohen duke i thënë me ironi “si ndodh që këto flokë të bukura t’i mbulosh”.
Shamia zakonisht bartet nga femrat myslimane me të cilën mbulojnë flokët dhe qafën, por jo edhe fytyrën.
Ngjarja e tmerrshme ka ndodhur në New Vision Academy Charter, ku pas momentit të heqjes së shamisë nxënësja mundohet ta mbulojë fytyrën.
Videoja është dërguar në MSNBC News 4, nga një person i pakënaqur me veprimin e arsimtares. /Telegrafi/
https://www.youtube.com/watch?v=8JMIcS0g9zo