Trajneri i Malishevës, Arsim Thaçi, ka folur pas humbjes nga Drita, duke thënë se kjo humbje nuk e përcakton mbetjen e skuadrës së tij në elitë.
Drita ka shënuar fitore ndaj Malishevës me rezultat 3-1 në kuadër të xhiros së 30-të të Superligës së Kosovës.
Malisheva ishte e para që kaloi në epërsi, por më pas u përmbys nga skuadra e Ardian Nuhiut.
“Bëmë një paraqitje të mirë, ekipi kundërshtar ishte shumë cilësor, ne ishim në një presion pas golit të shënuar, rezultati erdhi falë gabimeve tona”.
“Normalisht që çdo humbje shkakton probleme në vazhdimësi, por kjo ndeshje nuk determinon mbetjen tonë në elitë, ka ende ndeshje tjera”, ka thënë Thaçi./Telegrafi/