Arsim Fetahu është zgjedhur kryeshef ekzekutiv i Kompanisë Rajonale të Ujësjellësit “Prishtina”.
Nga gjithsej 40 pikë maksimale, Fetahu është vlerësuar me 28.3 pikë si kandidati më i suksesshëm për këtë pozitë.
Në vendimin e Bordit të Ujësjellësit thuhet se, kandidatët e pakënaqur me këtë vendim mund të ushtrojnë ankesë në KRU “Prishtina”, në afatin prej tetë ditëve nga dita e pranimit të këtij vendimi.
Tutje, bëhet e ditur se procesi i rekrutimit është monitoruar nga Projekti i Ambasadës Britanike (BDO) për emërimin në pozita të larta drejtuese.
Ndryshe, më 8 dhe 9 shtator janë mbajtur intervistat për pozitën e kryeshefit ekzekutiv të Ndërmarrjes Publike “KRU Prishtina”.
Përveç Fetahut, për këtë pozitë kandidatë ishin edhe Fadil Bejta, Luan Hoti, Selatin Retkoceri, Shaqir Rexhepi dhe Sokol Xhafa. /Telegrafi/
