Arsenali do t’i zbulojë tre kundërshtarët e tij në fazën e grupeve të Ligës së Kampionëve për edicionin 2023/24 javën e ardhshme.
Ceremonia zyrtare e shortit do të zhvillohet të enjten, më 31 gusht në orën 18:00, pas ndeshjeve të dyta të play-off-it kualifikues.
Topçinjtë do të jenë në vazon 2 për shortin në Forumin Grimaldi në Monako pasi përfunduan në vendin e dytë në Ligën Premier sezonin e kaluar.
Vitin e kaluar, ceremonia e shortit u zhvillua në Stamboll, në qytetin e finales.
Këtë sezon, stadiumi Wembley i Londrës do të presë finalen të shtunën, më 1 qershor.
Arsenali nuk e ka fituar asnjëherë garën më të madhe për klube në Evropë dhe shpreson që ky sezon të jetë një mrekulli për ta. /Telegrafi/