Arsenali ka vendosur shikimin e tyre mbi mesfushorin e Udinese, Jakub Jankto.
Sipas mediumit anglez “The Mirror”, 21-vjeçari i Republikës Çeke, Jankto, ka kapur syrin e drejtuesve të Gunners për sezonin e ardhshëm.
Jankto pas paraqitjeve të mira, ka fituar edhe ftesën nga kombëtarja ku edhe bëri debutimin e tij në javën e kaluar dhe menjëherë shënoi.
Në këtë sezon, Jankto ka shënuar katër gola dhe katër asistime në 21 paraqitje në Serie A për Friulanët.
Ai tashmë është i lidhur me një ofertë nga Juventusi, por Arsenali tani po hyjnë në ‘luftë’ dhe duan t’i fitojnë shërbimet e tij.
Jankto ka qenë në Itali që nga bashkimi me akademinë e të rinjve të Udineses në vitin 2014, teksa kishte një huazim në Serie B me Ascoli, ku pas kthimit arriti shpejt të bëhet një titullar në Dacia Arena.
Çmimi i talentit çek besohet të jetë rreth 15 milionë euro. /Telegrafi/
