Arsenali mes vështirësive merr tri pikë ndaj Brentford, merr pozitën e parë në Ligën Premier

Arsenali ka marr një fitore të rëndësishme ndaj Brendtford me rezultat 2-1 në kuadër të javës së 28-të të Ligës Premier.

Topçinjtë e nisën shumë mirë ndeshjen duke shënuar të parët në këtë përballje.

Zhvillohej minuta e 19-të, kur Ben White e gjeti Declan Rice që ishte i saktë për të shënuar për 1-0.

Pak pa u mbyllur pjesa e parë, mysafirët arritën të barazonin shifrat, kur Yoane Wissa shënoi për 1-1 pas një gabimi të rëndë të Aaron Ramsdale.

Pjesa e dytë solli raste nga të dyja palët, por që për të parë golin e tretë në këtë takim u desh të pritej minuta e 86-të.

Ben White  me një pasim të bukur gjeti Kai Havertzin që shënoi për 2-1.

Arsenali mori tri pikë të mëdha, që aktualisht e mban në vendin e parë me 64 pikë, një më shumë se Liverpooli dhe dy më shumë se Man City, që do të përballen të dielën mes vete. /Telegrafi/