Arsenali ka marrë një pikë në udhëtim te Evertoni në javën e 18-të në Ligën Premier, pasi ndeshja përfundoi 0-0.
Toffes ishin skuadër më e mirë në pjesën e parë, pasi që tentuat disa herë të kalonin në epërsi, por vetëm një goditje e tyre përfundoi në kuadratin e portës.
Në anën tjetër, The Gunners edhe pse kishin posedimin e topit, nuk arritën të bënin asnjë gjuajtje në kornizë.
Pjesa e dytë ishte më në favor të skuadrës londineze, pasi arritën ta shtonin edhe më shumë presionin në portën e vendasve.
Arsenali bëri tri gjuajtje në drejtim të portës, me anë të Pierre-Emerick Aubameyang e Alexander Lacazettes, por pa suksese.
Kështu, të dy skuadrat u pajtuan në fund që të merrnin një pikë në këtë xhiro.
Arsenali aktualisht është në pozitën e nëntë me 23 pikë, gjersa në javën e 19-të do të takohet me Bournemouthin. /Telegrafi/