Shitet e planifikuara verore të Arsenalit prej 100 milionë funtesh (117 milionë euro) thuhet se do të ndodhin në javën e ardhshme.
Gunners kanë shpenzuar shumë para për blerjen e emrave si Kai Havertz, Jurrien Timber dhe Declan Rice.
Megjithatë, klubi nga Emirates tani duhet të balancojë librat dhe të sigurojë që ato të jenë financiarisht në rregull.
Sipas Daily Mail, Arsenali do të punojë për të siguruar largimet e lojtarëve të parëndësishëm që mund të shiten për fonde të konsiderueshme.
Sulmuesi Folarin Balogun është kandidati kryesor për t’u larguar, pasi ai ka një vlerë të lartë.
Balogun nuk ka vend te Arsenal nga menaxheri Mikel Arteta, por klubi e vlerëson atë në 50 milionë funte (58 milionë euro).
Një lojtar tjetër që mund të largohet dhe ka oferta nga Arabia Saudite është mbrojtësi Gabriel Magalhaes.
Kieran Tierney ka qenë një objektiv i Newcastle, Aston Villa dhe Real Socieidad; ndërsa Albert Sambi Lokonga kërkohet nga Brighton.
Ofertat mund të vijnë edhe për Rob Holding, Cedric Soares, Nuno Tavares dhe Nicolas Pepe. /Telegrafi/