Arsenali ka arritur të shënojë fitore ndaj Sevillas me rezultat 2-0 në kuadër të xhiros së katërt të fazës së grupeve të Ligës së Kampionëve.
Lojtarët e Mikel Artetas e nisën shumë më mirë takimin, duke rrezikuar të parët me Jorginhon.
Në minutën e 30-të, erdhi goli i epërsisë për Topçinjtë, kur Bukayo Saka asistoi te Leandro Trossard i cili shënoi për 1-0.
Classic Saka goal. Martinelli × Trossard × Saka should be @Arsenal starting forward. #COYG #ARSSEV pic.twitter.com/fphLQcWtXa
— Yussuf B Ismail (@BillowIsmail) November 8, 2023
Edhe në pjesën e dytë rastet i takuan Arsenalit, që me Kai Havertz ishin afër golit të dytë në minutën e 55-të.
Pas disa minutash, Bukayo Saka kësaj radhe ishte i saktë për 2-0.
Deri në fund nuk kishte më gola të tjerë dhe Arsenali mori fitoren e tretë në fazën e grupeve, ku me nëntë pikë është lider.
Në anën tjetër Sevilla është e fundit me 2 pikë. /Telegrafi/