Arsenal ka shënuar fitore të thellë me rezultat 5-0 në udhëtim ndaj Burnleyt, në kuadër të javës së 25-të në elitën e futbollit anglez.
Mysafirët morën epërsinë herët në këtë takim me anë të Martin Odegaard (4’) i cili me një gjuajtje fantastike në cepin e djathtë të portës shënoi për 1-0.
“Topçinjtë” në minutën e 39-të fituan penallti, të cilën e shndërroi në gol Bukayo Saka (41’) për rezultatin 2-0.
On top at the break – let's keep this going, Gunners 💪 pic.twitter.com/g5iwzpz3PV
— Arsenal (@Arsenal) February 17, 2024
Në 45 minutëshin e dytë Arsenali vazhdoi me dominim të plotë ku arritën që të gjejnë golin edhe në tri raste të tjera.
Bukayo Saka (48’) shënoi golin e tij të dytë personal në këtë ndeshje dhe të tretin për Arsenalin për rezultatin 3-0.
Për rezultatin 4-0 u përkujdes Leandro Trossard (66’) i cili nga jashtë zonës realizoi një gol shumë të bukur.
Adding the gloss ✨ pic.twitter.com/uw8CCLDGm9
— Arsenal (@Arsenal) February 17, 2024
Goditjen përfundimtare Burnleyt në këtë takim ia dha Kai Havertz (78’) i cili bëri një gjuajtje shumë të bukur nga jashtë zonës për rezultatin përfundimtar 5-0.
Me këtë fitore Arsenali vazhdon në pozitën e dytë me 55 pikë pas 25 ndeshjeve të zhvilluara, dy më pak se lideri Liverpool që ka 57 sosh dhe është lider i tabelës./Telegrafi/