Komuna e Malishevës ka njoftuar se tre personat të cilët kanë rezultuar pozitiv në testin për COVID-19, nga kjo komunë, janë raste kontakti.
Numri i përgjithshëm i të infektuarve në këtë komunë, ka arritur në 76, teksa janë shëruar 57 dhe një ka përfunduar me fatalitet.
“Sonte janë regjistruar edhe tre persona të prekur me COVID-19 në Komunën e Malishevës, të cilët janë persona kontakti. Kjo është konfirmuar nga Institutit Kombëtar të Shëndetit Publik (IKSHP). Bazuar në këto të dhëna, numri i të prekurve me COVID-19 në Komunën e Malishevës, arrin në 76 të prekur”, thuhet në komunikatën e Komunës së Malishevës.
Me këtë rast, nënkryetari i Komunës së Malishevës, Hajdin Berisha, ju ka bërë thirrje qytetarëve që të vazhdojnë t’i respektojnë masat mbrojtëse dhe udhëzimet e IKSHP-së.
“Tri rastet e sotme janë raste kontakti, por pavarësisht kësaj, ju bëj thirrje të qytetarëve që të vazhdojnë të jenë të kujdesshëm edhe më tutje, ti respektojnë udhëzimet për masat mbrojtëse, pasi kjo është mënyra e vetme e luftimit të përhapjes së virusit korona”, ka thënë Berisha.
Në shërim e sipër janë edhe 17 persona, qytetarë të Komunës së Malishevës. /Telegrafi/