Arrin në kishë trupi i pajetë i Alexei Navalnyt – Kremlini nuk do të dëshironte të shfaqeshin këto pamje në Moskë

Trupi i pajetë i opozitarit rus, Alexei Navalny më në fund i është dorëzuar familjarëve të tij.

Një veturë që bartte trupin e 47-vjeçarit tashmë ka arritur në kishën e Moskës ku do të mbahet ceremonia e lamtumirës, raporton skynews.

Lexo po ashtu Navalny për herë të fundit u pa i gjallë gjatë ditës së djeshme - shfaqen pamjet ku shihet duke buzëqeshur dhe u tallur me gjyqtarët

Turmat e njerëzve që kanë ardhur për t’i dhënë lamtumirën politikanit është “një pamje që Kremlini nuk donte ta shihte”.

“Ata nuk dëshironin të shihnin dhjetëra mijëra njerëz në varrimin e Navalnyt, i cili prej autoriteteve ruse u konsiderua si ushtar i perëndimit”, shkruan skynews.

Kremlini ka njoftuar sot se çdo mbledhje e paligjshme për Navalnyn, do të thotë shkelje e ligjit.

Zëdhënësi Dmitry Peskov u tha gazetarëve se nuk do të jepte asnjë vlerësim për ish-opozitarin si figurë politike dhe nuk kishte asgjë për t’u thënë të afërmve të tij.

Ndryshe, Navalny vdiq më 16 shkurt në një burg rus, ku po vuante disa dënime në saje të akuzave të sajuara. /Telegrafi/