Ka arritur në 12 mijë e 674 numri i pacientëve të shëruar nga coronavirusi në Kosovë, ndërsa vetëm në 24-orët e fundit janë shëruar 104 pacientë.
Instituti Kombëtar i Shëndetësisë Publike në Kosovë, po ashtu ka njoftuar se në 24-orët e fundit janë konfirmuar edhe 79 raste të reja me COVID-19, duke çuar kështu në 15 mijë e 142 numrin e personave të infektuar me virus.
Nga rastet e reja me COVID-19, më së shumti janë konfirmuar në Prishtinë, gjithsej 23 raste.
Pastaj, komuna Vushtrri 9 raste, komuna Gjakovë 8 raste, komuna Gjilan 7 raste.
Komuna Lipjan 5 raste, komuna Deçan 3 raste, komuna Fushë Kosovë 3 raste, komuna Kaçanik 3 raste, komuna Mitrovicë 3 raste, komuna Prizren 3 raste, komuna Viti 3 raste.
Komuna Drenas 2 raste, komuna Pejë 2 raste dhe me nga një rast komunat Ferizaj, Malishevë, Podujevë, Skenderaj dhe Suharekë.
IKSHPK bën të ditur se raste aktive janë 1 mijë e 853.
Ndryshe, që nga fillimi i pandemisë e deri tani nga coronavirusi kanë humbur jetën 615 persona./Telegrafi/
