Social Demokratët (SPD), të Gjelbrit dhe Liberalët (FDP) kanë arritur një marrëveshje në parim mbi formimin e koalicionit qeverisës në Gjermani.
Udhëheqësit e tre partive u kanë rekomanduar partive të tyre që të fillojnë zyrtarisht negociatat e koalicionit, që është një hap më pranë qeverisë së re, e cila besohet se do të udhëhiqet nga Olaf Scholz.
“Ne jemi të bindur se mund të përfundojmë një marrëveshje ambicioze dhe të qëndrueshme të koalicionit”, thuhej në deklaratën e përbashkët.
#BREAKING Germany's SPD, Greens, Liberals announce initial agreement for next govt: Scholz pic.twitter.com/z1K8f4GSYR
— AFP News Agency (@AFP) October 15, 2021
Pas takimit të drejtuesve të tre partive, Olaf Scholz (SPD) iu drejtua publikut, duke thënë se “kjo është ajo që i duhet Gjermanisë”.
Të tre palët ranë dakord që lufta kundër ndryshimeve klimatike do të ishte primare, shpjegoi Scholz.
“Ky ndoshta do të jetë projekti më i madh i modernizimit të industrisë në 100 vitet e fundit”, shtoi ai.
Nëse marrëveshja nënshkruhet përfundimisht, Gjermania do të marrë të ashtuquajturin koalicion “semafor”, por edhe një kancelar të ri. /Telegrafi/