Kevin Strootman rikthehet në Serinë A pas dy viteve të kaluara në Francë te Olympique Marseille.
Mesfushori holandez, i cili në sezonet e fundit ka qenë pjesë e Marseilles në Francë, do të rikthehet në Itali, aty ku do të luajë për fanellën e Genoas.
Sipas asaj që raporton Sky Sports, marrëveshja është arritur dhe Strotman do të kalojë te klubi italian në formën e huazimit.
30-vjeçari të hënën do t’i kryejë vizitat mjekësore para se të zyrtarizohet si lojtar i ri i Genoas.
Dy skuadrat janë marrë vesh që përgjatë këtyre gjashtë muajve paga e Strootman të paguhet nga të dyja, ku gjysmën e likuidon Marseille dhe gjysmën tjetër Genoa.
Strootman është një njohës i mirë i kampionatit italian, teksa ka qenë më përpara edhe pjesë e Romës, ku me klubin italian u bë njëri nga mesfushorët më të kërkuar në Evropë.
Tulipani qëndroi pesë vite në kryeqytetin italian ku zhvilloi 131 ndeshje me Romën, ndërsa shihet si një përforcim i madh për Genoan në luftën për mbijetesë. /Telegrafi/