Policia në Mitrovicë në orët e mesditës të së hënës i është përgjigjur një rasti me elemente të veprës penale ‘kanosje’, ku reagimi i shpejtë i njësive policore ka rezultuar me identifikimin dhe arrestimin e një personi të dyshuar.
Arrestimi i të dyshuarit N. A. 38 vjeçar, është bërë në Mitrovicë, mbi dyshimet e arsyeshme të kryerjes së veprës penale “kanosje”.
Nga hetimet e deritanishme bëhet e ditur se i dyshuari për motive ende të panjohura kishte kanosur viktimën L. M. 29 vjeçar.
Të dyshuarit pas procedurave intervistuese me vendim të prokurorit të çështjes i është caktuar masa e ndalimit policor. /Telegrafi/