Chloe Edwward 27-vjeçe nga Middletown është arrestuar, pasi që policia i ka gjetur fëmijët e saj në shtëpi duke ngrënë ushqim të qenve në dysheme që ishte larë në urinë dhe insekte.
Policia ishin njoftuar nga fqinjët, se para shtëpisë së saj gjendej një sasi e madhe e mbeturinave, transmeton Telegrafi.
Në raportin e policisë thuhej se brenda shtëpisë ishte shumë nxehtë, derisa dyshemeja ishte e mbuluar me ushqim, urinë dhe insekte të ndryshme.
Dhomat e gjumit ishin në gjendje të tmerrshme, shtretërit nuk kishin batanije as jastëk kurse dyshekët ishin plotë me jashtëqitje të qenve.
Një dhomë ishte e mbushur me kënaçe e mbeturina që nuk ishin pastruar për muaj të tërë.
Brenda shtëpisë janë gjetur pesë fëmijë, dy prej të cilëve hanin ushqim të qenve që ishte derdhur në dysheme.
Policia ka zbuluar se Edwards është nënë e katër nga pesë fëmijët e gjetur, të cilët menjëherë janë dërguar në qendrën për punë sociale, pasi që kushtet brenda kësaj shtëpie janë cilësuar të rënda për t’u jetuar. /Telegrafi/