Në aktakuzë thuhet se ajo ka rekrutuar manekine të reja për të trafikuar kokainë nga Argjentinë për në Cancun, e pastaj për në Evropë.
Fletarresti ishte lëshuar para pesë muajve kur gjatë një kontrolli rutinor një manekine 21 vjeçare ishte kapur me 55 kilogramë kokainë, duke u përpjekur të fluturonte nga Buenos Aires për në Cancun.
Policia pastaj zbuloi edhe pesë anëtare tjera të grupit kriminal, të cilat hetuesit i dërguan drejt e tek Angie, njëra prej manekineve më të njohura kolumbiane.
Avokati i saj, sipas mediave të huaja, thotë se ajo nuk ka dashur të dorëzohej nga frika se mund të sulmohej dhe dhunohej në burg. Ajo thotë se është e pafajshme. /Telegrafi/