Reperi me prejardhje shqiptare, Action Bronson, është është arrestuar mbrëmë nga Policia e Kosovës, pas performancës së tij në festivalin “Sunny Hill” që është organizuar në Parkun e Gërmisë në Prishtinë.
Arsyeja e arrestimit të Bronson thuhet të jetë ndezja e marihuanës në skenë dhe hedhja në drejtim të publikut.
Portali rtv21.tv ka provuar të kontaktojë edhe policinë, mirëpo ende nuk ka marrë ndonjë përgjigje.
Reperi me prejardhje shqiptare, Action Bronson emri i të cilit është Arian Asllani, ka performuar mbrëmë në festivalin “Sunny Hill”.
Artisti siç duket e ka shijuar kohën sa ka qenë në trojet shqiptare, pasi herë pas here është parë duke postuar ushqime tradiocionale.
Në mesin e “çajeve të rusit”, specave, llokumave ushqimi i cili e la pa fjalë reperin ishte flija, ani pse në konferencën e mbajtur për media ai foli në gjuhën angleze, reagimin për këtë ushqim ai e bëri në gjuhën shqipe.
“Oooooofa bre”, ka shkruar mbi foto reperi për kohën e tij në Kosovë.
Përdorimi i substancave narkotike është i ndaluar në vendin tonë.
