Policia e Maqedonisë njofton se ka arrestuar dy persona, të cilët kanë qenë përgjegjës për punimet ndërtimore në Ilinden të Shkupit, në vendin ku u mbyt një 13-vjeçare.
Policia para dy ditëve ngriti padi penale ndaj këtyre dy personave, të cilët dyshohen për vepra penale kundër sigurisë, përcjell Telegrafi Maqedoni.
“Dy personat nuk kanë respektuar rregulloren për mbrojtje gjatë punëve ndërtimore, kopshti nuk ka qenë i sigurtë, nuk ka pasur as rojtarë që do të pengonin futjen e fëmijëve. Gjithashtu zonat e rrezikshme nuk kanë qenë të shënuara me shenja të veçanta”, thonë nga policia.
Përndryshe, 13-vjeçarja më 31 maj humbi jetën pasi ra në një gropë me ujë në një vend që kryheshin punë ndërtimore./Telegrafi/
