Pas zënkave të vazhdueshme në vitin 2008, çifti spanjoll kishte vendosur për ndarje, ndërsa gjykata kishte caktuar një vendim, sipas të cilit ata nuk guxonin t’i afroheshin njëri-tjetrit më pranë se 500 metra.
Burri, sipas ligjit për dhunën në familje, nuk kishte pasur të drejtë t’i afrohej gruas, e as ta thërrasë atë në telefon.
Mirëpo, muajin e kaluar, pas ‘ndarjes provuese’, e cila kishte zgjatur më shumë se një vit, ata vendosën që të bashkohen.
Ata janë arrestuar kur policia i ka kapur së bashku në një qytetit në Andaluzi, përkundër faktit se të dy kishin deklaruar se me vullnetin e tyre të plotë e kanë pranuar këtë takim.
Burri është dënuar me gjashtë muaj burg, ndërsa gruaja, që është konsideruar si ‘bashkëpjesëmarrëse në krim’ ka marrë dënim më të vogël- katër muaj. /Telegrafi/