Në dyqanin e Apple që ndodhet në Dijon të Francës, një burrë i paemëruar i ka qëlluar disa pajisje të ekspozuara duke i shkaktuar dëme të konsiderueshme.
Me sferën që ka mbajtur në dorë, ai i ka goditur disa iPhone dhe MacBook, vlera e së cilave arrin deri në dhjetëmijë dollarë, transmeton Telegrafi.
Në videon e postuar më poshtë, mund të shihni aksionin e tij, të cilin e ka bërë në shenj proteste.
“Apple është një kompani që i dhunon të drejtat e konsumatorëve evropianë. Ata refuzuan të më kompensojnë dhe kjo është ajo që ndodh”, ka thënë ky njeri lidhur me rastin.
Megjithëse pranë tij nuk afrohet ndonjë njeri, mësohet se ai është arrestuar më vonë dhe ndaj tij do të merren masat e parapara me ligj. /Telegrafi/
