Trafikanti i drogës, Shaun Miller nga Massachusettsi i Shteteve të Bashkuara, është fshehur për katër muaj – i maskuar si një njeri i moshuar.
Burri 31-vjeçar që akuzohej për posedim të heroinës me qëllim shitjeje, është zënë nga Policia derisa po ia bastisnin shtëpinë, transmeton Telegrafi.
Ata nuk kanë dyshuar për asnjë moment se ‘plaku’ që u doli në derë ishte personi që po e kërkonin.
Por, meqenëse të gjitha dyshimet dërgonin tek ai, u zbulua identiteti tij i vërtetë pasi ia hoqën maskën dhe rrobat gjysmë të shqyera.
Në shtëpinë e tij janë gjetur dy armë të mbushura, disa sasi droge, si dhe 30 mijë dollarë në para të gatshme.
Miller ka qenë i arratisur prej muajit prill, kur u gjet që është fajtor dhe se ka lidhje me një varg shkeljesh. /Telegrafi/
