Policia në Kentaki ndihmoi një banor të ribashkohej me kafshën e tij shtëpiake të pazakontë të arratisur – një majmun i llojit ‘kapuçin’.
Departamenti i Policisë së Lexington tha se oficerët morën një telefonatë të martën për një majmun të zhdukur të quajtur Max.
“Max dhe familja e tij po udhëtonin në autostradën I-75 kur u përfshinë në një përplasje”, tha departamenti në një postim në Facebook, raporton UPI, transmeton Telegrafi.
“Gjatë përplasjes, Max u arratis dhe familja e tij nuk ishte në gjendje ta gjente atë, por ata kurrë nuk hoqën shpresën për ta gjetur”, thuhej tutje në shkrim.
Ekuipazhet rrugore që punonin të enjten në Interstate 75 vunë re Max pranë rrugës dhe kontaktuan policinë.
“Oficerët, së bashku me anëtarët e Lexington Fayette Animal Care and Control, ishin në gjendje të kontaktonin familjen e Max dhe t’i bashkonin ata,” shtoi departamenti në postimin e tyre. /Telegrafi/