Sipas policisë në orën 10:00 të ditës së premte, 51-vjeçari Flamur Zalla nga fshati Zallë i rrethit të Krujës, u largua nga paraburgimi pa u vënë re nga policët e shërbimit. Ai është rivënë në pranga afër banesë së tij në orën 19:00 të së njëjtës ditë.
Zalla është arrestuar rreth dy muaj më pare, pasi gjatë kontrollit në banesë i janë gjetur një sasi armësh dhe municionesh luftarake pa leje. Përveç akuzës për "mbajtje armësh e municionesh luftarake pa leje", Zallës i shtohet dhe akuza e "arratisjes nga paraburgimi". /Telegrafi/