Frutat e ndryshme arrore (arrat, lajthitë, fëstëku), ulin nivelin e kolesterolit, derisa peshku ul nivelin e triglicerideve në gjak, ndërsa edhe njëra edhe tjetra ndikojnë në shëndetin e zemrës.
Në një hulumtim të fundit kanë marrë pjesë 25 të rritur me nivel normal dhe lehtësisht të rritur të lipideve në gjak. Ata kanë konsumuar rreth 40 gram arra në ditë dhe rreth 100 gram salmon dy herë në javë.
Konsumimi i arrave e ka ulur dukshëm nivelin e LDL kolesterolit, i ashtuquajtur edhe kolesteroli i dëmshëm, ndërsa konsumimi i peshkut e ka ulur dukshëm nivelin e triglicerideve dhe ka ngritur nivelin e HDL kolesterolit (kolesterolit të mirë).