Arijanet Muric ka qenë ndër më meritorët që Burnley është rikthyer në elitën e futbollit anglez Ligën Premier.
Portieri kosovar ka pasur paraqitje të shkëlqyera në Championship dhe Burnley arriti të futet në Ligën Premier si kampion në rangun e dytë në Angli.
Por përkundër se ishte ndër më të mirët, Aros i është bërë padrejtësi pasi Burnley ka blerë James Trafford dhe reprezentuesi kosovar ka mbetur në bankën rezervë nga trajneri Vincent Kompany.
Megjithatë vlerësimet për Aro Muric nuk kanë munguar dhe ylli kosovar është zgjedhur në formacionin e sezonit të kaluar në Championship nga Shoqata e Futbollistëve Profesionistë.
Aro është në formacionin e sezonit së bashku me bashkëlojtarët e tij si Roberts e Maatsen në mbrojtje si dhe Tellan e Brownhill në mesfushë.
Congratulations to current Clarets Aro Muric, Connor Roberts & Josh Brownhill, as well as former Clarets Ian Maatsen & Nathan Tella who have all been named in the 2022/23 PFA Championship Team of the Year! 🏆
— Burnley FC (@BurnleyOfficial) August 29, 2023
Një vlerësim i madh për Aro Muric që zhvilloi 41 ndeshje duke mbajtur 19 herë portën e paprekur, derisa pësoi 31 gola duke qenë portieri më i mirë në Championship.
Megjithatë ai ende nuk ka pasur rastin të luaj në Ligën Premier këtë sezon dhe pas gjashtë golave të pësuar në dy ndeshje nga Trafford, mbetet të shihet nëse Vincent Kompany do t’ia jap fanellën e titullarit reprezentuesit kosovar. /Telegrafi/
PFA Championship Team of the Year!
🟣 Arijanet Muric
🟣 @ConnorRobs
🟠 Tom Lockyer
🔴 @Anelswe
🟣 @maatsen_ian
🔴 @iliman_ndiaye
🟣 @Brownhill10
🟣 @NathanTella_11
🟠 @CarltonJM
🔴 @cakpom
🔵 @viktor_gyokeres #PFAawards #PFA50 pic.twitter.com/H5vbYnm108— Professional Footballers’ Association (@PFA) August 29, 2023