Arnold Schwarzenegger së fundmi u shërua nga ndërhyrja e tij në operacionin e dytë të zemrës brenda dy viteve.
Dhe ish-guvernatori i Kalifornisë nuk po e lejon atë ta ngadalësojë, pasi ai tashmë është rikthyer në rutinën e tij të fitnesit, shkruan DailyMail.
Ai u shfaq me një maskë në fytyrë ku shkruhej fjala “Vota” pak ditë pas Ditës së Madhe të Zgjedhjeve, ndërsa doli për të bërë një udhëtim me biçikletë nëpër lagjen e tij Santa Monica.
73-vjeçari kishte veshur një bluzë ngjyrë gri me qafë, të cilën e kishte kombinuar me një palë pantallona të shkurtra të zeza dhe disa çizme të zeza prej lëkure me çorape të bardha.
Ai e përfundoi pamjen me një gjerdan argjendi, një palë syze dielli ngjyrë kafe dhe një orë lëkure ngjyrë kafe.
Arnold kishte lajmëruar përmes Instagramit muajin e kaluar se operimi i tij kishte përfunduar me sukses: “Falë ekipit në Klinikën Cleveland, unë kam një valvul të ri të aortës për të shkuar së bashku me valvulën time të re pulmonare nga operacioni im i fundit”.
“Ndihem fantastik dhe tashmë kam ecur në rrugët e Cleveland duke shijuar statujat tuaja të mahnitshme. Faleminderit çdo doktori dhe infermieri në ekipin tim!”, ka shkruar aktori.
Ky operim i tij vjen pasi ai kishte kryer një ndërhyrje në zemër të hapur përsëri në mars të vitit 2018. /Telegrafi/
