Presidenti i Federatës Shqiptare të Futbollit, Armand Duka është zgjedhur për herë të dytë anëtar i Komitetit Ekzekutiv të UEFA-s në Kongresin e 47-të të UEFA-s që u zhvillua këtë të mërkurë në Lisbonë të Portugalisë.
Gjatë ditës së sotme (e mërkurë) u mbajt Kongresi i Rregullt i UEFA-s, ku Aleksander Ceferin u rizgjodh kryetar për një afat të vlefshëm deri më 2027.
Megjithatë, përveç kryetarit, pati edhe disa anëtar të Komitetit Ekzekutiv që u rizgjodhën në pozitat e tyre.
Njëri nga ta padyshim se ishte edhe presidenti i FSHF-së, Armand Duka, i cili kandidonte për këtë pozicion mes 11 kundërshtarëve, për 7 vende në Komitetin Ekzekutiv të UEFA-s.
Presidenti Duka u rendit në vendin e parë në bazë të votave, duke u zgjedhur me 45 vota nga 55 në total dhe duke marrë kështu për herë të dytë besimin e delegatëve të shumë federatave të mëdha evropiane.
Mandati i anëtarëve të Komitetit Ekzekutiv të UEFA-s është njësoj sikurse ai i presidentit, i vlefshëm për katër vite.
⚽ The below have today been elected to the UEFA Executive Committee for a four-year term:
🇩🇰 Jesper Møller Christensen* (Denmark)
🇫🇷 Philippe Diallo (France)
🇦🇱 Armand Duka* (Albania)
🇨🇿 Petr Fousek (Czechia)
🇬🇪 Levan Kobiashvili (Georgia)
🇺🇦 Andrii Pavelko* (Ukraine)
🇪🇸 Luis…— UEFA (@UEFA) April 5, 2023
Anëtarët e zgjedhur për Komitetin Ekzekutiv të UEFA-s:
Jesper Moller Christensen* (Danimarkë)
Philippe Diallo (Francë)
Armand Duka* (Shqipëri)
Petr Fousek (Çeki)
Levan Kobiashvili (Gjeorgji)
Andrii Pavelko* (Ukrainë)
Luis Rubiales* (Spanjë)
/Telegrafi/