Arkat me vetëshërbim janë ende të njohura dhe disa dyqane janë të lumtur t’i përmirësojnë ato. Midis tyre është American Stop & Shop, i cili prezantoi arkat e vetë-shërbimit me udhëzime zanore për përdoruesit. Shumë njerëzve këto arka janë komike për shkak të mënyrës sesi zëri robotik i arkëtarit shqipton emrat e disa ushqimeve.
Tiktoker Everett (@everett.toy) tregoi arkën duke thënë “banane organike”, “patate e ëmbël” dhe “bok choi” (lakër kineze). Shikuesit qeshën veçanërisht me mënyrën se si zëri robotik alternohet mes tonit të qetë dhe agresiv të zërit, veçanërisht kur thonë “Fut patatet e ëmbla në thes”.
“Ajo thotë “banane organike” sikur përpiqet të mos qeshë sepse di një shaka të mirë”, “Ajo thotë sikur nuk janë banane të vërteta”, “Hiqni nga rruga patatet tuaja të ndyra”, “Të duket sikur shan”, “Duket sikur po më qorton për shqiptim të gabuar”, “Faleminderit për këtë”, “Thuaj me autoritet” janë disa nga komentet në video.
Në komente, shumë sugjeruan artikuj të tjerë që do të donin të dëgjonin t’i shqiptonte arkëtari i vetëshërbimit, duke përfshirë asparagus, brokoli, kikirikë, avokado, speca jalapeño, speca zile dhe të tjera.
Everett tha se do të ishte i lumtur të shtonte sendet ushqimore të sugjeruara në listën e tij të blerjeve. /Telegrafi/