Gazetari dhe opinionisti i njohur shqiptar, Arjan Konomi është kthyer në qendër të vëmendjes.
Pas një pauze nga paraqitjet televizive, Konomi ishte së fundmi i ftuar në emisionin e gazetares Rudina Magjistari.
Përveç një interviste për eksperiencat e tij të fundit si turist në vende të ndryshme të botës, ish-opinionisti i “Përputhen”, befasoi edhe me ndryshimin drastik në dukej.
Ai prej kohësh është përfolur për një ndryshim në pamje, e për të cilin foli përgjatë emisionit.
“Është folur shumë, por nuk merre me gjëra të vogla, kam bërë flokët në radhë të parë, jam me flokët të vëna, të miat për herë të parë pas një jete dhe shpëtova se vetëm qerosët më kuptojnë se çfarë do të thotë për meshkujt”, tha ai fillimisht.
Arjani tutje tha se ndryshimi në dukje ndikon në vetëvlerësim dhe i ka inkurajuar të gjithë ata që duan të bëjë një gjë të tillë, por që hezitojnë.
“Të gjithë e duan këtë gjë, sidomos për meshkujt dhe kur janë të rinj është një vuajtje shumë e madhe që të ndikon në atë vetëvlerësimin e vetes. Femrat nuk e kuptojnë kurrë, ndoshta kush mund të ketë probleme, të rralla janë femrat që mund të kenë probleme me rënie flokësh, por për djemtë është shumë e rëndësishme, të gjithë e vuajnë, kush e jep veten, kush nuk e jep por të gjithë e kanë ëndërr që ta bëjnë atë gjë ndaj mos ngurroni se janë bërë edhe mjetet e teknologjisë shumë të thjeshta”, u shpreh tutje Konomi.
Theksojmë që opinionisti shpesh herë ka ngjallur reagime me deklaratat dhe opinionet për konkurrentët e emisionit të dashurisë “Përputhen”. /Telegrafi/
@rtvklanofficial Ndryshimi i përfolur i Arjan Konomit, opinionisti shuan kuriozitetin #arjanikonomi #rudinamagjistari #rudina #tvklan