Kafshët shtëpiake shpesh mund të shkaktojnë rrëmujë, por pronarët zakonisht i falin. Ashtu si pronari i këtij këlyshi ariu.
Videoja vjen nga Emiratet e Bashkuara Arabe dhe tregon një ari të ri që shkon tek një Lamborghini dhe me kuriozitet ngrihet për të marrë një mollë të shijshme.
Ai ngrihet te dera e një Lamborghini portokalli. Edhe pse është një Huracan Performante, vetura dhe sistemi i pezullimit të dyerve nuk mund të përballonin një ngarkesë të tillë.
Ariu hapi aksidentalisht derën dhe përgatiti një shpenzim të konsiderueshëm për pronarin. Shumë do të habiten që pronari thjesht qeshi me gjithçka, por edhe më i habitur është fakti që dikush ka një arush për kafshë shtëpiake.
Megjithatë, gjithçka bëhet e qartë kur mëson se është Sheikh Humaid Abdulla Albuqaish, një koleksionist veturash nga Dubai, i cili njihet edhe për kafshët shtëpiake shumë ekzotike. Në kopshtin e tij zoologjik privat ka tigra, luanë, hiena dhe gjarpërinj.
Ai është mjaft i njohur në rrjetet sociale, me miliona fansa që ndjekin dashurinë e tij specifike për veturat dhe kafshët e egra. Dhe po, ariu i ri arriti deri te mollët. /Telegrafi/