“Fall From The Sky”, është kënga me të cilën Arilena Ara do të prezantohej në “Eurovision 2020”, por për shkak të pandemisë ky festival u anulua.
Ndonëse ishin bërë të gjitha përgatitjet, ky projekt po vazhdon të marrë vëmendje të madhe dhe të zë vend të veçantë në faqet rozë.
Dhe pikërisht ditën e sotme është publikuar edhe klipi i kësaj kënge që në shqip ishte quajtur “Shaj”.
Tekstin e ka shkruar vet artistja në bashkëpunim me Michael Blue, Robert Stevenson, Sam Schummer, kurse për kompozimin është përkujdesur Darko Dimitrov dhe Lazar Cvetkoski.
Kënga tashmë gjendet e publikuar në kanalin zyrtar të këngëtares në platformën YouTube.
Ditë më parë, Arilena po ashtu mbajti një koncert recital të veçantë në sheshin “Nëna Terezë” të titulluar “Sounds of Silence”.
Ajo performoi repertorin e saj duke filluar që nga hiti i saj “Nëntori” e deri tek “Fall From The Sky”. /Telegrafi/