Këngëtarja Arilena Ara, ka qenë mjaft aktive këtë vit.
Kënga “Nëntori” i solli shumë sukses në tregun ndërkombëtar, teksa kjo ishte edhe arsyeja që e çoi këngëtaren të sjellë edhe versionin anglisht të këngës.
Tani, ajo gëzon famë në shumë shtete ballkanike, në të cilat është e ftuar për të performuar në spektakle të ndryshe.
Së fundmi, ajo është ftuar në “The Voice of Romania” për të kënduar këngën e saj “Nëntori”.
Arilena ka publikuar një fotografi në llogarinë personale në Instagram, ku shfaqet në karrigen e spektaklit, teksa shkruan: “Këtë të premte mos e humbisni finalen e The Voice of Romania”.
Me këtë, ajo ka treguar se të premten do të performojë në finalen e këtij spektakli.
Kujtojmë, që në vitin 2013, Arilena u shpall fituese e spektaklit “X Factor” në Shqipëri, i cili njihet si formati rival i “The Voice”. /Telegrafi/
