Mbrëmjen e sotme është mbajtur nata finale e Festivalit të Këngës në Pallatin e Kongreseve, Tiranë.
Këngëtarja nga Shqipëria, Arilena Ara është shpallur fituese e Festivalit të 58-të të Radio Televizionit Shqiptar, në vend të dytë Elvana dhe në vend të tretë renditet Sara Bajraktari.
Ajo u shpall fituese pas tre netësh konkurrimi mes 22 krijimesh të përzgjedhura për Fest ’58.
E njëjta pritet ta përfaqësojë Shqipërinë në Eurovision, pasi ka arritur të dalë fituese në mesin e 12-të artistëve pjesëmarrës në natën finale.
“Nuk bëj muzikë për të fituar çmime, i kam dedikuar jetën muzikës, këndoj gjithmonë për të tjerët”, ka thënë Ara pasi u shpall fituese.
Më tej, Arilena tregon se sot është më e emocionuar se kurrë meqë nëna e saj është në skenë për ta ndjekur nga afër për herë të parë.
“Shkruam një këngë për Lindon Berishën, këngë për jetën time, kam qeshuar, jam gëzuar jam në ankth jam e emocionuar sepse kam mamin në sallë për herë të parë, kam familjen time, miqtë që më ndjekin prej televizionit, falendëroj gjithë bashkëpuntorët e mi”, ka thënë ndër të tjerash ajo.
Ara përndryshe do ta përfaqësojë Shqipërinë në “Eurovision 2020”, që këtë vit do mbahet në Holandë. /Telegrafi/