Ariana Grande ka mbyllur vitin e kaluar në krye të Billboard Hot 100 me mega hitin e saj “Thank U, Next” dhe superylli i pop muzikës është gati të bëj të njëjtën gjë në vitin e ri.
Kënga më e fundit “7 Rings” vjen nga Ariana me temë ndryshe, duke folur për potencialin e saj të shpenzimeve.
Ajo flet për luksin dhe shfaqet më ekstravagante, pak si repere.
Kënga e regjistruar pas ndarjes nga Pete Davidson ishte inspiruar nga shoqet e saj.
Në videon e regjistruar nga Hannah Lux Davis, Grande bën një festë të madhe shtëpiake me shoqet e saj të afërta.
Kënga “7 Rings” pason projektin “Imagine” dhe “Thank U, Next” nga albumi i ri i këngëtares që lansohet shumë shpejt.
Në prill këngëtarja performon në Coachella.
Ndërkaq, 25 vjeçarja është artistja më e re që performon në këtë festial dhe është e katërta femër që arrin të performojë pas Beyonces, Lady Gagas dhe Bjork. /Telegrafi/