Gjatë kohës kur Ariana Grande ishte në lidhje me Pete Davidson, dyshja kishin bërë tatuazhe të përbashkëta që ia kishin kushtuar njëri-tjetrit, ndërsa pas ndarjes me të, këngëtarja vendosi ta largonte një prej tatuazheve, para se të nisje në turneun botëror.
Në tetor të vitit të kaluar, çifti e ndërpreu fejesën dhe vendosën t’i largonin tatuazhet që i lidhnin me njëri-tjetrin. Ariana e kishte emrin e ish-të dashurit të shkruar në gisht, ndërsa këtë tatuazh e ka mbuluar me një zemër të zezë.
Edhe pse i kanë mbuluar vizatimet trupore dhe të gjithëve ua kanë bërë me dije se asgjë më nuk i lidh me njëri-tjetrin, së fundmi është mësuar se megjithatë, ata kanë edhe një tjetër tatuazh të përbashkët me mbishkrimin “Always” – të cilin Pete e ka në shpinë, kurse Ariana e ka në pjesën e brinjëve në gjoks.
Megjithatë, Grande dëshiron ta largojë edhe tatuazhin e fundit që e lidh me Davidson, duke qenë se në afërsi të tatuazhit të vjetër ka bërë edhe një vizatim të ri. Në ndërkohë akoma nuk dihet se si do duket në fund ky tatuazh.
“Nuk po e mbuloj, ky është vetëm një proces në zhvillim. Po ashtu, spektakli fillon nesër. Jua dua dhe u jam shumë falënderuese të gjithëve, shihemi së shpejti”, ka shkruar 25-vjeçarja. /Telegrafi/
