Ylli i muzikës pop, Ariana Grande, është dashur të ndërpresë turneun ‘Sweetener’, në mënyrë që t’i përkushtohet shëndetit.
Ajo postoi në Instagram se ishte e sëmurë dhe ka treguar për fansat se ka përjetuar dhimbje të mprehta qëkur performoi në Londër, transmeton KP.
Këngëtarja e njohur ka thënë se zëri i saj tingëllon mirë, por për shkak të sëmundjes nuk mund të marrë frymë në skenë.
Ajo njoftoi sot se gjendja e saj po përkeqësohej dhe se do të duhet të anulojë performancën në Lexington, Kentucky.
Sido që të jetë, nuk janë mësuar detaje lidhur me gjendjen shëndetësore të këngëtares apo se për çfarë sëmundje është fjala.
